Джолда салам берген Бузджигитге. Белые стихи 60-х

Джырчы Сымайлны сёлешгени да назмуча эди да, амал табхан адамла айтханын джаза тургъандыла. Насыб болуб, ол адамланы игилигинден, джолда-къолда айтыб кетген сёзюнден бир юзюкле бюгюн таба барабыз. Бу айтханын бизге табдыргъан Тохдарланы Асиятны джери джандет болсун, туугъанына, туудугъуна Аллах ёмюр берсин!
 
ДЖОЛДА САЛАМ БЕРГЕН  БУЗДЖИГИТГЕ
/Тохдарланы Асиятдан алынганды. 1960 дж./

Эй, салам бергенге салам болсун,
Къолда тутханы халал болсун,
Салам берген толсун заукъдан,
Салам бермегенни - джолу мамукъдан,
Эй, къартха хурмет этген къартлыкъгъа джашар,
Къытлыкъ кёрмей халал гырджынын ашар,
Да юйюрю бла къуана, сюйюне джашар.
Салам бериу адамны сыйын - сырын танытыр,
Салам бермеген кеси джюрегин арытыр,
Эй, салам бериуде  керамат барды, илешдирген,
Да салам болду дунияда адам улуну бирлешдирген,
Саламынг узакъ болсун, джашым,
Мелхум болсун малынг, ашынг,
Салам бергенле бла толсун алам,
Алейкум ассалам!