/къызы Айсарадан(Сара) алыннганды/
Эй, ёлюм деген туугъанны юсюнде мухур болуб тууар,
Ёмюр джашауунда да адамны излар, къуар,
Къарыусуз болгъанлай, олсагъат джетиб буар,
Ёлюм дегенинг, сырты джерге тиймеучюлени джыкъгъан,
Киши тиялмазланы, сансыз этиб, имбашындан къакъгъан,
Сыйлыны сыйсыз этиб терен чунгургъа атхан,
Ой, алам чагъындады аны уясы,
Тёнгекни чагъыучуду майасы,
Джетиб урургъа хазыр турады джаясы,
Аны бла кесамат эталмаз не алим, не гёджеб,
Таб кюрешсе да дуния хазнасын теджеб,
Шыкъыртсыз келир тар къабырынгы тёшеб.
Да Сары Джаш да энди ол азаутишге тирелялмаз,
Ол да мени къабмайын бу арбаздан чыгъыб кеталмаз.
Ахыр кюнлеринде айтханларындан. Белые стихи 80-х г
© Copyright: Исмаил Семенов-Джырчы Сымайыл, 2020
Свидетельство о публикации №220102701474
Свидетельство о публикации №220102701474
Рецензии