Махар гарагъа. Стихи 10-х г. 20в
Къайнаб чыкъгъан сууларынг,
Ичсенг - тишге чабады,
Сени кёре, джыл сайын,
Бери миллет чыгъады.
Тёгерекде тауларынг,
Тюрлю-тюрлю кийиниб,
Нызыланы, назланы,
Баласлары ийилиб.
Тёрт джанынгда чегетле,
Джашил дарий киелле,
Сакъкъулакъ кийиклеринг,
Аз джыйыдан юркелле.
Тюртюлеринг, дугъумунг,
Къаяланы къойнунда,
Сен чыгъаса, боркъулдаб,
Уллу сууну бойнунда.
Чат сууларынг ёзенге
Ашыгъышыб энелле,
Хауанг, суунг, къуатынг,
Саннга саулукъ берелле.
Къарачайны къойнунда,
Тау гарала къошдула,
Алай сени къатынгда,
Барысы да бошдула.
1910дж.
© Copyright: Исмаил Семенов-Джырчы Сымайыл, 2020
Свидетельство о публикации №220102700629
Свидетельство о публикации №220102700629
Рецензии