Сары эрикни сыныб тургъан бутагъына къарайма,
Муал болгъан чапракъларын къолум бла сылайма.
Энди ма бу джарыкъ тангны сыннган бутакъ сынамаз,
Кёгет салыб, къач айында, къагъылырын сакъламаз.
Анга джашау чагъы деген энди келмез, джол салыб,
Чириу деген ёмюр тёре аны теплер, онг алыб.
Эй, азмыды бу бутакъча озгъун къолдан ачыгъан,
Муну кибик, къайырылмай, аякъ тюбге атылгъан?
Тынч тиширыу, зарлыкъ джетген, къарт,онгсуз эм тюнгюлген,
Бу бутакъны сизге ушатыб мыдах болдум кёлюмден.
Къарт Сымайыл сюеледи хуна ташха таяныб...
Орамны уа халкъ барады ёз ишине сагъайыб.
Танг аласында. Стихи 70-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220102801426
Свидетельство о публикации №220102801426
Рецензии