Уста тебсеген джашха. Белые стихи 60-х г. 20в

УСТА ТЕПСЕГЕН ТОТУРКЪУЛЛАНЫ ДЖАШХА 
/Къызыл Октябрь элчилени айтыуундан, Тотуркъулланы Заримадан алынганды. 1965./

Эй, джюрюу деген - адамны аякъгъа  сюелгениди,
Тепсеу дегенинг - сезимни тышына тёгюлгениди,
Джюрюу Этим  ючюн, тепсеу Сезим ючюн керек,
Экисинден джарты къалгъан  къуанчдан  болур ирек,
Эй, бир Этим бла уа адам насыблы болмайды,
Сезим ойнамаса да мурат дегенинг а толмайды,
Кёл сериуюн болса, джашау татыусуз, адам да салпы болады,
Салпыланган а учундургъан сезимни сезелмей къалады,
Тепсеу дегенинг,  толгъан джюрекни тышха тёгюлгениди,
Сезимни сан къымылдауда кёрюнгениди,
Эй, джанны, санны ойнатханла, джарыкълыкъ деген затладыла,
Джыр, эжиу, оюн, таурух, айтыу - аладандыла,
Тепсеу да ол затладан  бириси,
Да аны устасы да бу нарт уланланы  тириси,
Хей, джигит джаш, тепсеуде джангыз сан ойнамаз,
Бу джюрек джанмаса, къуру сан ойнатыу, къарагъанны байламаз,
Сен къарагъанны  байлар болдунг,
Къуанч бла къартлыкъгъа джашаб, насыбдан толгъун!
Сени ёсдюрген ата - анагъа салам болсун!
Да быллай джашла бла Къарачай ёзен тола - толсун!