Джылларымы эсге тюшюре. Стихи 80-х г. 20в

Келиб - келиб кетдиле джюз къыш бла джюз джай,
Барысын да ашырдым къалай тюшсе - алай.

"Джашадынгмы, Сымайыл?" Мен айтама: "огъай",
Джашла сейир болалла, къалайды - деб, алай?

Бютеу ётген ёмюрюм аз замандан - юзгю,
Ачыб къараб, ызына джабхан кибик кёзню.

Джюз къонакъны ашырдым, асламысы - джаула,
Келген - келген, кими - мал, кими - джан деб, даулаб.

Джюз къонакъны ашырдым, алгъынгыла - тосла:
Мени сыйлы кёрдюле джарыкълыкъгъа бошлаб.

Мюлк, ырысхы бердиле, бюсюреуге, хакъгъа,
"Сымайыл" - деб, атымы чыгъардыла халкъгъа.

Сонграгъыла - душманла, джан эздиле турмай,
Бушуу бла аманны джюкледиле бурмай.

Алдагъыла ёнгелеб,джокъламаз болдула,
Джау джылла уа энчилеб,джагъадан алдыла.

Ауур джюкню ташыдым, миллет бла бирге,
Эшик артда кёб къалдыкъ, чыгъалмайын тёрге...

Энди тохдар кибикди къонакъ келиу манга,
Келсе да джау келликди, ажымсызма анга.

Келиб - келиб кетдиле джюз къыш бла, джюз джай,
Барысын да ашырдым, ачы гюддю ашай.