Ишлемесем да къалала,
Айтылмасам да дуниягъа,
Туз - дам бергенме къайгъыда
Инджиую болгъан адамгъа.
Илму юлгюле ачмадым,
Халкъымы онгун кёлтюрюб,
Алай джек кёрдюм кёзбауну,
Кесим айтмадым ётюрюк.
Джылларым джюзге джанаша,
Ышан этдиред ёлюмюм,
Алай халкъ билген атыма
Тамгъа салдырмаз ёмюрюм.
Джазыуум джардан атса да,
Ийсе да манга палахла,
Буюрулгъаннга тюбедим,
Оноуум джокъду Аллахха.
Кете барама дуниядан,
Тохдарчад тылпыу кёрюгюм...
Джамагъатынгдан уялмаз,
Сымайыл, ёлген ёлюгюнг.
Кете тебрей. Стихи 80-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220102900978
Свидетельство о публикации №220102900978
Рецензии