/Архивинден/
Тор эмилик баргъан кибик –
ёмюрюм,
Ол барыуда кёралгъаным –
кёрюрюм,
Джюрегими сюйген кючю –
байлыгъым,
Излегеним – джашауумдан
аллыгъым.
Абынганнга къол узатхан –
адетим,
«Хар бир джаннга «игилик» дер –
иннетим,
Халкъым бла бирге болгъан –
муратым,
«Къарачайлы» деб айтырлай –
сыфатым.
Кетер джаннга ёкюнмеген –
болумум,
Уллу Аллах берлигиди –
боллугъум,
Башхалагъа этгенимди –
табарым,
Дуниягъа келиб кетген –
къадарым.
1978дж.
Къызыл Октябрь. КЧР.
Ашхам оюм. Стихи 70-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220103001051
Свидетельство о публикации №220103001051
Рецензии