Эй, джашлыгъымы сейир заманы,
Тынгысыз этген бёгек санланы,
Къайдаса энди? Садакъ учханлай,
Къалай ташайдынг ыз къоймагъанлай?
Сени орнунга келди, джараша,
Тоюмлу, онглу, сабыр къараша,
Адам ортасы... Не келсин, ол да
Ашыкъды, кетди, туракълау болмай.
Энди уа къартлыкъ джол тюзетеди,
Джыгъылта, тарта алгъа элтеди,
Къайры элтеди?.. Абыныу эбим,
Ёмюр салгъанды тулума энин.
Ёлюм а сакълайд заманын, алда,
Къартлыкъ а барад, ашыгъыш халда...
Эй, ким къайтарыр бу джолдан мени?!
Эй, ким къалалыр келмейин бери?!
Заманла. Стихи 70-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220103001142
Свидетельство о публикации №220103001142
Рецензии