Джашау джашагъаннга кёб зат излетеди,
Эришдире, къуа мадар этдиреди,
Биреу, бел тюзетмей, башын ишге атар,
Биреу, харам ишде, адамлыгъын сатар,
Биреу, тоноу этер, биреу насыб чачар,
Биреу, келишалмай джамагъатдан къачар...
Ёмюр деген бизге кёб зат сынатады,
Къадар деген тартыб терс да атлатады,
Алай болса джолунг тюзелмез, терсейир,
Бир кере абынсанг абыныу кёбейир,
Дуния малны сюрме, бары - бошду ол,
Аллах джолун атма, олду - керти джол.
1949. Казахстан.
Тенге -1. Стихи 50-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220103001245
Свидетельство о публикации №220103001245
Рецензии