Гитче суучукъ тар ёзенни теренинде
барады,
Тар ёзенни ташлы тюбюн шоркъасы бла
джырады,
Сау дунияны сугъарлыкъча бек чёрчекди
барыуу,
Кёк тенгизге къуюллукъча ашыгъышды
саркъыуу.
Алай аны барыр джери - тёбен элде
чирик кёл,
Кёрлюгю да - тар ёзен бла, талай юйлю
эски эл,
Мыдах болуб къарайма мен бу тынгысыз
саркъыугъа,
Джюрегим да бой салады ёсе баргъан
джарсыугъа.
Ёз джашауум нечик ушайд бу тынмагъан
шоркъагъа,
Мен да алай мыллыкъ атыб чыкъгъан эдим
ортагъа,
Ары джетсем джумлай алам кёрюнюр деб
тура эм,
Акъылымда бичим салыб, кёзбау мурат
къура эм.
Эй, джашагъан, мен айтайым, сен джетиуге
ашыкъма,
Анда солуй турурма - деб санларынгы
ачытма,
Баргъан джолунг - джашауунгду, къуан
кюнде-кюнюнге,
Джетер джеринг - чынгыл джарды, тартарыкъды
тереннге.
Гитче суучукъгъа къарай. Стихи 60-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220103000911
Свидетельство о публикации №220103000911
Рецензии