Темир кюмедеги чыпчыкъгъа. Стихи 40-х г. 20в

Сен - темир аугъа тюшген къанатлы,
Джулкъунуб тюгюнг, тюшюб къанатынг,
Мени халым да ушайды санга,
Джашау, аямай, тийгенди джаннга.

Санау кюнлени бюгюн да бири...
Ётюб барады зорлу ёмюрюм...
Манга бергени-артыкълыкъ, бушуу,
Кёргеним-зорлукъ, джашауум къуу-шуу.

Кюнде-кюнюм да ётеди былай,
Умут таркъайды, джашауну сынай,
Чапыракъдан да ётмейди сёзюм,
Сингдиралмайма, джетмейди тёзюм...

Сен-темир аугъа тюшген къанатлы,
Мен-темир кишен салыннган атлы,
Нечик  ушашбыз бир-бирибизге-
Мугур, ышанмай келирибизге.


Рецензии