Къошуму бердим колхозгъа,
Мюрзеуню-колхоз амбаргъа,
Да, мындан ары мен сёз береме,
Энчи мюлк этмей джашаргъа.
Ой, джангыз терек чегет болалмаз,
Джангыз киши да онгалмаз,
Кеси башына джашау къурагъан,
Ёмюрюнде да къуанмаз.
Да бирден чёгюч урайыкъ, энди,
Биз ара мюлкню тёшюне,
Бырнак этмейин къошугъуз мени,
Колхозубузну ишине.
Къара пайтонум-Байкъул улуна,
Энди башчыбыз джюрютсюн,
Болумну сюзюб тюз айыргъанма,
Джангы заманны джюрюшюн.
Оноучуланы джюрютсюн, энди,
Къара пайтонум, чайкъалыб,
Мен да кирейим бу колхоз ишге,
Къарыу аямай, къадалыб.
Лишон болмадым. Стихи 30-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220103100472
Свидетельство о публикации №220103100472
Рецензии