Микоян шахаргъа. Стихи 30-х г. 20в
Микоян-шахар, тамаша,
Сенде табылад хар излегенинг,
Джолунг, орамынг джараша.
Бурун заманда сен болуучан энг,
Ташкёпюр элни отлауу,
Арбаланы да, былайда эди
Асламысыны тохдауу.
Энди мекямла ишленгендиле,
Къаты ташладан джонулуб,
Тёгерегинг да деменгилиди,
Эки къобан бла къорулуб.
Микоян-шахар, ой, сейир шахар,
Халкъымы ара шахары,
Санга келелле, оноу излейле
Шам-Къарачайны къартлары.
Хар бир адамгъа къучакъ кересе,
Джюрек джылыуну аямай,
Хар тилекчини ишин этесе,
Кечени, кюнню айырмай.
Таулула эркин айланадыла,
Орамларынга джараша,
Сыйлы джуртуму ара шахары,
Микоян-шахар - тамаша!
1936.Къарачай.
Свидетельство о публикации №220103100533