Я, Керим-Аллах, кесинг тюйюлменг учунур насыб теджеген манга,
Нек сокъурандынг, нек артха алдынг, былай болурча не этдим санга?
Нек берген эдинг манга къанат кюч, нек учургъан энг кёклеге мийик,
Сыйырыб аллыкъ болуб ол онгну, сюймегенлерим табалар кибик?
Тарлыкъгъа салдынг, бермединг насыб, джюрек джер тенгли, джюрюйме джарсыб,
Сакъалым чыммакъ, тишлерим-айры, тынгы табылмай, джашауум-къайгъы.
Къыйыным-халал, кесим а-харам, сёзюм чачыла, джырым урлана,
Къачаннга дери турлукъма былай, джюрегим сыныб, ишим чырмала?
Я, Рахман-Аллах, чамланма манга, "джашау" демейме, джашадым джюзню,
Тюзлюк излейме, эт хукму-дейме, джангыдан сюзюб терс бла тюзню.
Тарыгъыуум. Стихи 80-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110401032
Свидетельство о публикации №220110401032
Рецензии