Ёксюз болдум. Стихи 80-х г. 20в
Амалсызлыкъдан - хатху талангнгы,
Тыкъланды, тутду кюйген кёкюрек,
Къан джюрюталмай буулгъан джюрек!
Ой, сыйлы Аллах алай буюрду,
Менден къызгъаныб сени сыйырды,
Кёзкёрмез джерге алгъанса аякъ,
Мен а къалгъанма - атылгъан таякъ.
Балала десенг - бири бир джерде,
Джангыз экиси - сени юсюнгде,
Къалгъанла къалды мутхуз эсингде,
Джабылмай къалгъан къой кёзлерингде.
Ой, не къычырыкъ!.. Болушлукъ - къайда!
Джанынг - аламда, сыфатынг - Айда!..
Джабалакъ кибик эридинг, кетдинг,
Артда къалгъанны таралыр этдинг.
Сен ёлген кюнде - кюнюм къарангы,
Сенсизлигим бла - хатху талангнгы,
Джан - джолдашымы джутханды къабыр...
Бош къалды арбаз, бош къалды тыбыр...
1980
Свидетельство о публикации №220110401110