Дуния деген - къонакъгъа келген,
Ахырат деген - толмазлыкъ терен,
Хар джан кирликди къара тёбеге,
Боюн саллыкъды керти тёреге.
Ой, аджал деген - ёлмезлик таджал,
Ахыр кюн деген - иймезлик болджал,
Анга тюбемей бир джан да къалмаз,
Сан чиритиуден бу джер да талмаз.
Джангур къуяды... Бокъланнган ырхы
Орамны тёбен барады... Дыккы
Болгъанды джарыкъ, булут джабханды...
Кёк джыламугъун Джерге атханды.
1980.
Джылау кюнюмде. Стихи 80-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110401319
Свидетельство о публикации №220110401319
Рецензии