Сёдегей джангур джауады джерге,
Тамчыла бюрке кир терезеге,
Бар умут бары бирден ташайыб,
Турама джангыз, кёлюм азайыб.
Ойнай "къарт тели" - деучен энг манга,
Алтын эд тилинг оюннга, чамгъа,
Сен менден алгъа ёлюмню кёрдюнг,
Мен артха къалыб минг кере ёлдюм.
Мёлекча кетдинг бир кюн къыйнамай,
Мени юй этдинг джан, сан аямай,
Къуанч да кёрдюнг, ачыу да сездинг,
Тюзюмю ачдынг, терсиме тёздюнг.
Къыйын кюнюмде таянчакъ болдунг,
Къуанч кюнюмде къуанчдан толдунг,
Юй кёгюрчюнча тыбырда чёкдюнг,
Он бармагъынг бла ырысхы этдинг.
Ой, чёбню чёбге джалгъаучу къолунг
Къабыр арада табханды орун!..
Не сыйыт этгин!.. Мен артда къалдым,
Таш джангур кибик къайгъысёз алдым.
Бу джюрек десенг сынсыудан-сынсый...
Бу хатху десенг тыкъсыудан-тыкъсый...
Кёб къаллыкъ болмам энди бу джерде,
Ёрелегенме санга тюберге.
1980.Терезе эл.
Джан нёгерим, Патиматха. Стихи 80-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110401366
Свидетельство о публикации №220110401366
Рецензии