Кюнюм - гузаба, джылым - ашыгъыш,
Къарамым - мыдах, башымда - сагъыш.
Джауады джангур, сызгъырыб джели,
Къартлыкъ сакълайды эслетмей келиб.
Бар эди кюнюм, къакъгъан къанатым,
Тау къушха тенглик этген сагъатым.
Бары да озду, тюш, сагъыш болду,
Айтылгъан кючюм санымы къойду.
Мутхузду кюнюм, аулуду чыракъ,
Ишим - азыракъ, джюрегим - тузакъ.
Ташха къадалыб, къобхан къобанда
Тургъан кибикме, тюзню айтханда.
Эй, заман, заман, ашыгъыш заман,
Сюрдю, тебледи, бюкледи тамам!..
Кюнюм - гузаба, джылым - ашыгъыш,
Энди меники - ныгъыш бла сагъыш.
Ой, заман, заман! Стихи 70-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110401769
Свидетельство о публикации №220110401769
Рецензии