Къарт алманы къуу - къуругъан бутагъы,
Эталмайды энди джел бла ушагъын,
Чапракълары муал болуб къуюлуб,
Чакъ кюнлери джокъламаздан джоюлуб.
Хакъ - китабда джазылыбды халыбыз:
Бир кюн, биз да бу бутакъча къатарбыз,
Джан, сан тюйюб бюгюн джыйгъан малыбыз
Артда къалыб, къайтмаз джолгъа атларбыз.
Эй, джашагъан, хар кюнюнге сейирсин,
Кёб зат излеб джанны, санны тоздурма,
Ёмюр деген - учуб тюшген бир джилтин,
Бир кюнюнгю керексизге оздурма!
Хаухду бу Джер, ёмюр юйюнг - Аламды,
Бошду мал, мюлк, байлыкъ деген - Адамды,
Алгъыш ала, ыспас эште джашау эт,
Алай бла алам - чакъгъа таза кет.
Джашагъаннга. Стихи 70-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110400974
Свидетельство о публикации №220110400974
Рецензии