Терен кёклеге джол салгъан, ётгюр уллагъа къуана,
Къарт Сымайыл да алгъанды, эсги къаламын къолуна.
Кёкге учдула экеулен, кёк джулдузлагъа джанаша,
Даулетле бары сагъайыб, сейир этдиле, тамаша.
Совет Союзну атындан дуниягъа салам айтдыла,
"Восток" кемени къойнунда кёклеге чыгъыб къайтдыла.
Беляев бла Леонов – миллет ёсдюрген уланла,
Джигитлик халда этдиле керекли илму сынамла.
Бу джолоучулукъ джол ачар аламгъа эркин учаргъа,
Адам улуна керекли кёб таша затны ачаргъа.
Бюгюн, джюреги къуана, миллетни барын алгъышлай,
Сымайыл назму джазады джигит джашлагъа багъышлай.
Къызыл Октябрь.
Джигитлеге. Стихи 60-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110501803
Свидетельство о публикации №220110501803
Рецензии