Ол – джаннган шынкъарт, сен – гёбелекге,
Джарыкъгъа талпыб келесе бекге,
Билялмай отха тиеригинги,
Эскералмайын кюеригинги.
Джокъдула сенде фитна, хыйлалыкъ,
Бек сюйгенинг да – джылы бла джарыкъ,
Юсюнг толуду гокга оюудан,
Сейир этерча къарагъан адам.
Джаратхан сени джаратды, сюйюб,
Алай къадарынг – ёлюудю, кюйюб,
Джан атма, ариу, джарыгъан бекге,
Къайт, андан эсе, къарангы кёкге.
От джарыкъ джанар, кенге кёрюнюр,
Артында къояр кёсеу бла кёмюр,
Сен а артынгда ариулукъ къойгъан,
Кераматынг бла сезиуле джайгъан.
Джаныб тюшмесин айбат къанатынг,
Къысха болмасын джашау – сагъатынг,
Шынкъартха кирме, кесинги ая,
Сакълан, дуниягъа ариулукъ джая.
1954.Казахстан.
Гебелекгеге къарай. Стихи 50-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110501825
Свидетельство о публикации №220110501825
Рецензии