ДЖАШЧЫКЪГЪА
(осият)
Къошум чачылды, сюрюуюм – тюзде,
Бештау – барамта, табмайма излеб,
Табханыма да душманым даучу,
Булбул орнуна гугук джырлаучу.
Бештау шаушалса, кюн джылыу алса,
Излеялырча мадарынг болса,
Урланнганымы сыйыр ызына,
Джый сюрюуюмю эсги арбазыма.
Даучу болсала, джалан айтсала,
Хатерсиз сёлеш, болма джалынчакъ,
Белгилидиле мени эним, тамгъам,
Халкъ айтырыкъды, сен сорууласанг.
Барым батмасын, джогъум чыкъмасын,
Барымы бер да, халкъымы сыйла,
Кесингден артха чыртда къалмайын,
Болушурукъду санга Суфиля.
1981дж. Джингирик.
Осият. Стихи 80-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110501932
Свидетельство о публикации №220110501932
Рецензии