Къол аязгъа, учхан джилтин тюшген кибик, къайдан келдинг бу къуанчха, ингир чакъда?
Ариулукъну хакъ-юлгюсюн кёрген кибик, армау болдум сёз айталмай башчылыкъда.
Къой сюрюуде марал кийик баргъан кибик, халкъ арада асыл халынг танылады,
Узалгъанынг буракъ къанат къакъгъан кибик, адамланы джюреклерин джандырады.
Бюгюн къараб сени былай кёргенимде, болалмадым сыфатынга махдау салмай,
Тебси алыб аллыбызгъа келгенингде, сеирсиниб къарашдыла, адам къалмай.
Назикликни, субайлыкъны сейир кючю!.. Къанат берген - тиширыуну асыулугъу!
Эй, былалла бу джашауну джашау этген, эй, былалла дунияны джасаулугъу!
Къарт – Джурт.
СЁЗЛЮГЮ:
АСЫУЛУКЪ – внутренняя, духовная грация.
ДЖАСАУЛУКЪ – средство для украшения чего-либо.
ХАКЪ – ЮЛГЮ – эталон.
ИНГИР ЧАКЪ – вечернее время.
АРМАУ – армау хал – ошарашенность.
БУРАКЪ – крылатый конь из религиозных сказаний.
Ариугъа. Стихи 50-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110502290
Свидетельство о публикации №220110502290
Рецензии