"Апендиликни ат" – делле манга,
Аллахха аман айт – делле манга,
Тутхан дининги сат – делле манга,
Сора орнунга къайт – делле манга.
Мен эталмадым алагъа хыны,
Бири – тамада, бири да – чынлы,
"Кёрюшге, ёзге тиймегиз", – дедим,
Ма аны бла да битген эд сёзюм.
Кёрюм джуукъду тёрюмден эсе,
Диними сатыб джырмы джырлайым?
Аллах джолунда тюз бара туруб,
Былача болуб терсми атлайым?
Бу залимликди, ыхдырыу, эзиу,
Эталлыкъ тюлме бу джыргъа эжиу,
Насыб сагъайыб келгинчи кёзюу,
"Тёзген тёш ашар", меники – тёзюу.
1968. Пашинск.
Тёзюу. Стихи 60-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110601402
Свидетельство о публикации №220110601402
Рецензии