Ала экиси да будай урладыла,
Партиячы бла сабанчы,
Къабхын къазанларын бирча къайнатдыла,
Къара ишчи бла бир алчы.
Колхозда – къуугъун, райондан келдиле,
Партиячы терен хыртланды,
«Выговор» берилиб, «джезасы кесилиб»,
Гуду адам юйге атланды.
Партиясызгъа уа милиция келиб,
Атын халкъгъа баям этдиле,
Урлагъан будайын сыйыргъандан сора,
Тутмакъ юйге алыб кетдиле.
Совет властда «тенглик» ма алайды, алан,
Коммунистинг джеза алмайды,
Айтсанг – джау боласа, айтмасанг а – тола,
Тёзер ючюн тёзюм къалмайды.
Мени ачыуум а – сёзде къаламдады,
Власт да этиученди «хатерин»…
Алай – алайсыз да «антисоветчикме»,
Ким да аямасын этерин.
Мен Совет властны джырыма салгъан эм,
"Джерде залимликни джыкъдыкъ" – деб,
Къыркъ джыл оза энди миллетге айтама,
Ленинни джолундан чыкъдыкъ – деб.
Джолдан чыкъдыкъ. Стихи 50-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110601514
Свидетельство о публикации №220110601514
Рецензии