Бал аякъны ички аякъ тюртгенди,
Тебси башха саладыла, чомалтыб,
Къралыбыз да халкъны сылхыр этгенди,
Хар харамны «халалды» - деб, орнатыб.
Эй, эскиден ичген адет джокъ эди,
Джашла, къызла, оюн ойнай, той эте,
Боза ичиб тойгъа кирген болса уа,
Элде уллу хапар болуб, «ой» эте.
Ичкичилик адет болуб, джерлешиб,
Румка алыб алгъыш – дуа этелле,
Джаш къауумну ма алай бла терсейтиб,
Тёлюлени терс джанына элтелле.
Эй, Къарачай, башхалагъа ушама,
Тыш адетле бизни халкъгъа джарашмаз,
Бурунгулу тёрелерин тутхан халкъ,
Тюз джолундан ёмюрюнде аджашмаз.
1966. Сары Тюз.
Ичкичилик. Стихи 70-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110601554
Свидетельство о публикации №220110601554
Рецензии