Бар эди джазым, халкъны къаратхан,
Бар эди джайым, миллет джаратхан,
Энди къач келди, алтынчач – аты,
Джангуру – суукъ, джеллери – къаты.
Чегет тешине, суула такъая,
Кюн къысха бола, джылыу азая,
Къачны джюрюшю сагъыш этдире,
Къыш ауангысы къоркъуу джетдире.
Чапыракъ – уча, джер къуу – шуу бола,
Джюрегими да мугурлукъ ала,
Кетген кюнюмю эсге тюшюре,
Алай бла джаннга себеб келтире.
Эй, джазым, джайым мен джетмез джерде,
Къач бла къыш а – къатымда, тёрде,
Энди сагъышым – учхан къанатым,
Эсге тюшюрюу – къуанч сагъатым.
Бар эди джазым, энди къач келди,
Къышны солуун манга келтирди,
Бар эди джайым, энди къыш – джуукъ,
Тёнгегим – ауур, дуния – суукъ.
1978. Терезе.
Кетген джылланы эсге тюшюре-1. Стихи70-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110601583
Свидетельство о публикации №220110601583
Рецензии