Къартлыкъ, сени келгенинге хош тюйюлме, ийнан анга,
Уруш этмей бой салалмам эй, сюйюмсюз киши, санга,
Сымайылны тюшюрсенг да чабхан атны деу белинден,
Айырмазса аны алай джашаб тургъан шох элинден.
Да, джел ауруу, сюек сызлау, къарыусузлукъ салдынг саннга,
Кюрешесе бир умут да, бир къуанч да, къоймай маннга,
Джюрегиме – такъыр бол – деб, хар кюнюмде къадаласа,
Тентиретир, сербаш этер дыгалас бла узаласа.
Алай болмам саным тюшюб, сен этгеннге тёзер кибик,
Джаным саудан тёшек болмам, сен – хатерсиз эзер кибик,
Джан – татахынг ёлюм келсе мени джолда излегиз сиз,
Бусагъатда уа кюрешме мени бууб сен керексиз.
Къартлыкъгъа. Стихи 70-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110601634
Свидетельство о публикации №220110601634
Рецензии