Кёк тешилгенча, джангур къуяды,
Орам арада ырхы барады,
Ачыкъ эшикден аяз киреди,
Биягъы сагъыш эсге келеди.
Кёб къаллыкъ болмам бу джерде, энди,
Джашау талпыуум алгъындан кемди,
Хар тюшюм сайын сени кёреме,
Кёб турмазымы энди билеме.
Сен джол ачханса джерни къарнына,
Мен да барлыкъма сени къатынга,
Къурт – къумурсхагъа мен да аш боллукъ,
Бир мысхал болуб джерге къошуллукъ.
Кёк тешилгенча, джангур джауады,
Орам арада ырхы барады,
Ёлюм муратсыз къалгъаннга келир,
Муратсыз къалдым, ол мени элтир.
1980дж. Терезе.
Патиматха. Стихи 80-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110601745
Свидетельство о публикации №220110601745
Рецензии