Эй, джаш джылларым,
Сант заманларым,
Шоркъа акъгъанча,
Балий чакъгъанча,
Уруб ётдюгюз,
Алгъа элтдигиз,
Да, ызыгъыздан,
Заман – сызгъадан,
Акъыл юлюшюм,
Дуния кёрюшюм,
Энди да келди,
Илмусун берди,
Ойнатыб къанны,
Учуруб санны,
Кёб зат билдирди,
Таугъа миндирди,
Ёрге салдырды,
Хорлам алдырды,
Сора къорады,
Кенгден къарады,
Къая чачханча,
Кёк чартлагъанча,
Болумну алды,
Мыдахлыкъ салды,
Энди, тенгсиниб,
Заман тюзсюнюб,
Келгенди къартлыкъ,
Сербаш – акъмакълыкъ,
Нёгерим – олду,
Болумум – солду,
Ёрлеу бошалды,
Аякъ ашалды,
Тебредим тюшюб,
Санларым юшюб,
Къызгъан баласча,
Тёнгереген ташча…
Аллымда – ёзен –
Къарангы гёзен...
1980. Терезе.
Джолоучулукъ. Стихи 70-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220110601774
Свидетельство о публикации №220110601774
Рецензии