/Атамы къара чёбге атхан заманларында "антисоветчик" шагъатлыкъларындан бири болгъанды бу назмусу/.
Алгъа чыкъгъанды эки бетлилик,
Аны джанында - алдау, ётюрюк,
Тил этиу болду джашаугъа тамал,
Табмайды тюзлюк кёрюнюр амал.
Хар джерде зорлукъ тюзлюкге такъмакъ,
Оноучу болгъан – къай ары чакъмакъ,
Акъыл юретген – кеси къысхаакъыл,
Халкъны болуму – къулдан аз такъыл.
Онгсузну халы онглугъа кюлкю,
Талаул болду миллетни мюлкю,
Ишлемегенле алсала хакъны,
Къаны бузулад урунган халкъны.
Бу затла былай барлыкъ болсала,
Сатлыкъла орун алыб турсала,
Халкъ бош сормайды, ачыуун тыя,
Нек этилди? – деб, революция.
1936дж.
Къайдады революция? Стихи 30-х годов 20в
© Copyright: Исмаил Семенов-Джырчы Сымайыл, 2020
Свидетельство о публикации №220111001020
Свидетельство о публикации №220111001020
Рецензии