(Ёмюрге Азияда къалыргъа деген указны халкъгъа айгъакълагъан кюн)
Къарамыйыкъ Къарачайны къанын иче,
Джарыкъ кюнню этди тамам къара кече,
Бушуу, къайгъы, бары бирден бизге кёче,
Баш кёлютюрюб къарамайды Къарачайым.
ЭЖИУЮ:
Юйюбюзден къысдалла,
Энди юй да джокъ,
Элибизден къысдалла,
Энди эл да джокъ…
Джашауубуз джашау тюлдю, джанган отду,
Хар кюнюбюз, кюн тюйюлдю, учхан окъду,
Бюгюнлюкде насыб кёрген бир джан джокъду,
Баш кёлтюрюб къарамайды Къарачайым.
ЭЖИУЮ:
Диннге тыйгъыч салдыла,
Энди дин да джокъ,
Джуртубузну алдыла,
Энди джурт да джокъ…
Умут чагъы джюрекледе бир чакъмаса,
Тау ёзеннге салыб барыр кюн чыкъмаса,
Тюзлюк туруб бу зорлукъну бир джыкъмаса,
Баш кёлтюрюб къараялмаз Къарачайым.
ЭЖИУЮ:
Бу дунияны кенгинде,
Бизге ышыкъ джокъ,
«Къарачай» аты болгъан,
Энди халкъ да джокъ…
Казахстан.
КЮУ. Стихи 40-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220111201072
Свидетельство о публикации №220111201072
Рецензии