Сылаучу къол тюртюлмез,
Ийилген баш кесилмез,
Джарашыу бла джашагъан,
Миллетинде сёгюлмез.
Кюусюнмеучю – тюртюлюр,
Арагъа сыз чертилир,
Бюсюреусюз адамны
Сёзде сёзю этилир.
Уллу кёллю – баяуду,
Кемсиз тили – саяуду,
Терс акъыллы адамны
Ёмюр чагъы – къыяуду.
Сый бериучю – сый табар,
Терс акъыллы – сый тартар,
Адамсюймез адамгъа
Халкъ "чюйре" – деб ат атар.
Кишини кюусюнмеучюге. Стихи 60-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220111201781
Свидетельство о публикации №220111201781
Рецензии
