Къарачай джуртну ёзенлерине бир бушуу хапар келгенди,
Илму башчыбыз, уллу джазыучу, ой, Максим Горький ёлгенди.
Аны хатында таныла эди, Ленинден келген юлгюсю,
Ой, айырылыб кетиб барады шат – адамланы бириси.
Ол, джарлы халкъны мутхуз джашауун бир тюз суратлаб джазгъан эд,
Ма аны ючюн уруннган халкъдан керти бюсюреу алгъан эд.
Кетиб барады ол арабыздан бушуу этдире миллетге,
Хар айтхан сёзю бизге къаллыкъды акъыл табдыра, керекге.
Къарачай джуртну ёзенлерине бир бушуу хапар келгенди,
Илму башчыбыз, уллу джазыучу, ой, Максим Горький ёлгенди.
Максим горький ёлген кюн. Стихи 30-х годов 20в
© Copyright: Исмаил Семенов-Джырчы Сымайыл, 2020
Свидетельство о публикации №220111200987
Свидетельство о публикации №220111200987
Рецензии