Башчыларыбыз билдиле миллетни этген муратын,
Шахарыбызда салдыла Ленинни мермер суратын.
Джарыкъ джашауну ол ачды, зийданнга джарыкъ ургъанча,
Таш – сурат бизге сыйлыды, кеси сюелиб тургъанча.
Къарачай миллет келеди андан кюч – къарыу алыргъа,
Ангы суратны юсюне джюрек джылыуун салыргъа.
Этербиз аны айтханын абзырамай, баш бегитиб,
Аны джолунгдан тайдырмаз бир джау да бизни терилтиб.
Багъалы сурат турады узакъгъа къараб тауладан,
Ленин – онглуну – онглусу, тенг табылмазлыкъ сауладан.
Инджилген халкъла барысы аны джолу бла барырла,
Джол усталары ол болуб, баш эркинликни табарла.
Башчыларыбыз билдиле миллетни этген муратын,
Шахарыбызда салдыла Ленинни мермер суратын.
Сын суратха къарай. стихи 30-х годов 20 века
© Copyright: Исмаил Семенов-Джырчы Сымайыл, 2020
Свидетельство о публикации №220111301190
Свидетельство о публикации №220111301190
Рецензии