Май айыбыз, джарыкъ май,
Бютеу джерге келгенди,
Хар бир джанга аямай,
Джаз джылыуун бергенди.
Булут бетли мутхуз кюн,
Энди бетин ачханды,
Исси кюн таякъларын,
Джер юсюне чачханды.
Джукълаб тургъан сабанны,
Уятыб джумушатды,
Джашил хансны ёсдюрюб,
Тёгерекни джашнатды.
Къанатлыны джырлатыб,
Къуат салды эллеге,
Гыйыланы эритиб,
Битим салды джерлеге.
Эй, урунган, сагъайчы,
Джазгъы ишни этейик!
Джашау – джарыкъ, кюн – джылы,
Муратлагъа джетейик.
Май айыбыз, джарыкъ май,
Бизни ишге чакъырад,
Май айыбыз, джарыкъ май,
Къуанч джырла айтдырад.
Май айыбыз. Стихи 30-х годов 20в
© Copyright: Исмаил Семенов-Джырчы Сымайыл, 2020
Свидетельство о публикации №220111301626
Свидетельство о публикации №220111301626
Рецензии