Кёре тургъанлай зорлукъну,
Биле тургъанлай боллукъну,
Халкъны ачыуун айтмайын,
Зулму ишингден къайтмайын,
Кёлюнг – джюрегинг бош болуб,
Душманла бла къош болуб,
Къабылмазланы къабдыргъан,
Кёблеге ачыу татдыргъан,
Тюзню терс бла джасаучу,
Тилчи азыгъын ашаучу,
Тамадалагъа – джалынчакъ,
Тюзню айтыуда – абынчакъ,
Халкъны джарсыуун этмеген,
Адамлыкъ сафгъа джетмеген,
Ашхыгъа уру къазыучу –
Сенми болгъанса джазыучу?!
1968. Пашинск.
Джазыучугъа. Стихи 60-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220111301724
Свидетельство о публикации №220111301724
Рецензии