Бал чибинни джыры. Сабий джыр. 30-е годы 20в

Бал чибиним, бал чибиним  гокга хансдан бал эмер,
Алай бла сабийлеге сюйюб ашар бал этер.

Бал чибиним, бал чибиним, эртден сайын кетеди,
Не арымай, не талмайын,  татлы балын этеди.

Бал чибиним, бал чибиним,  белиндеди артмагъы,
Бал чибинни ызлай барсанг, чыкъда болур сокъмагъы.

Бал четени болгъан юйде  сабийлеге бал болур,
Балны  джалай  ёсген  сабий  окъуунда ал болур.

Селпи чибин бир тюзелсе  джылына юч къозлайды,
Къагъыбал  а онгсуз болур, анда къарыу болмайды.

Селпи чибин  къаууз тутар, къагъыбал  а  ёледи,
Бал чибин а бал джыяды, бютеу хансны биледи.

Бал четенле кёб болалла  кюн чырмамай, тюзелсе,
Бал чибиним ишлеялмаз  джангур джауса, джел келсе.

Бал чибиним, бал чибиним, сыртны, къолну  къыдырыр,
Къатылама – дегенни  уа  къаты уруб турдурур.

Бал чибиним,  бал чибиним, тиймегенни урмайды,
Бал чибинни ёлтюрген  а  бек гюнахды,  болмайды.

Бал чибиним, бал чибиним, кюнлей къанат кереди,
Алай бла сабийлеге урунуу дерс береди.



КЮНЛЕЙ - "хар кюн сайын" деген эски хунн сёздю. Эски Къарачай ол сёзню хайырландыргъанды.