Бар эди джазым, халкъны къаратхан,
Бар эди джайым, миллет джаратхан,
Энди къач келди, "алтынчач" - аты,
Джангуру - суукъ, джеллери - къаты.
Чегет тешине, суула таркъая,
Кюн къысха бола, джылыу азая...
Къачны джюрюшю сагъыш этдире,
Къыш ауангысы къоркъуу джетдире.
Чапракъла уча, джер къуу - шуу бола,
Джюрегими да мугурлук ала,
Кетген кюнлени эсге тюшюре,
Алай бла джаннга себеб келтире.
Эй, джазым, джайым мен джетмез джерде,
Къач бла къыш а - къатымда, тёрде...
Сагъыш этиуюм - учхан къанатым,
Эсге тюшюрюу - къууанч сагъатым.
Кетген кюнлени эсге тюшюре. Стихи 80-х г. 20в. 2т
© Copyright: Исмаил Семенов-Джырчы Сымайыл, 2020
Свидетельство о публикации №220111501341
Свидетельство о публикации №220111501341
Рецензии