/Бу назму басмада бек тюрлю тюрленнгенди. Ким, къачан, не ючюн тюрлендиргени уа Аллахха белгили болур, биз билялмадыкъ. Хата эсленмей алай кетген болур. Архивдеги халы бла береме/
Кюнюм, батма, тилекчиме, джаннганлай тур,
сууумазлай,
Къарангыны ийме Джерге "атайтмазла"
сугъулмазлай.
Хар джюрекге сен эт бийлик, хар умутну
джетдир чакъгъа,
Хар джюрекге сал сюймеклик, насыб орнат
хар бир халкъгъа.
Уруш отну джакъгъанланы сени кючюнг
ёртенлетсин,
Адам улгъа къаджауланы, джер тереннге
тигелетсин.
Не ачыу да чачылады, кёкге къараб
сени кёре,
Кюнюм, батма, джаннганлай тур, мискин халкъгъа
джылыу бере!
1946дж.
Кюннге. Стихи 40-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220111501560
Свидетельство о публикации №220111501560
Рецензии