Ай, сен кёкню мийигине
тамадаса,
Кёбню кёре дуниялада
айланаса,
Шагъатса сен кёб тёлюню
кетгенине,
Ургъан джеллей, ёмюрлени
ётгенине.
Ашхы - аман, къуанч - бушуу,
джашау - ёлюм...
Барына да джарыкъ бердинг,
барын кёрдюнг,
Алай бетинг тюрленмеди,
азаймады,
Нюр келбетинрг кемлешмеди,
таркъаймады.
Джылагъанны, кёре туруб,
джыламайын,
Къарыусузну, ёрге туруб,
джакъламайын,
Унукъгъаннга кёл табдырыр
мадар этмей,
Сен кюрешиб бир палах да
джерден кетмей...
Не ючюндю джашагъанынг,
джарыгъанынг,
Кече сайын башыбыздан
къарагъанынг,
Суукъ къарай дженгил ётген
кюнлерине,
Нек тураса миллетлени
кёзлеринде?
Айгъа. Стихи 60-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220111501596
Свидетельство о публикации №220111501596
Рецензии