Минги тауну кёргенмисе, айтчы, шохум, сен?
Ийнан сора болгъанынга насыбынгдан кем.
Минги тауну бир кёрмеген мийиклик билмез,
Махар суудан бир ичмеген сусабын кесмез.
Кел, барайыкъ тубан басхан деу къаялагъа,
Андан сора тигелейик чегет чатлагъа.
Гелеукырдык отлаулада малгъа къарайыкъ,
Кюмюшшоркъа Къобан Сууда чачны тарайыкъ.
Танг алада сюрюучюге салам берейик,
Андан озуб, ёзен таба, элге келейик...
Сен кёрюрсе Къарачайны чурумун, тоюн,
Таулу халкъны, тау этекде борбайын, боюн.
Бу джерледе мурат толур, тюзелир иннет,
Шохлукъ борчха ажымсызды Къарачай миллет.
Кел, созма да, джол усталыкъ этейим санга,
Нарт джуртуму берекети джарашыр джаннга!
Тенгими Кавказгъа чакъыра. Стихи 50-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220111500907
Свидетельство о публикации №220111500907
Рецензии