Джангур булут, дунияда битим чакъны
болдуруучу,
Адам ул бла Гъарш арасы кесаматны
толтуруучу,
Сабанланы ёсер къылыб, бизге мюрзеу
ашатыучу,
Алай бла, джумлей джанны, абзыратмай
джашатыучу,
Къургъакъ джерни кёкден кёрюб, эсеб бла
сугъарыучу,
Джай иссиде, сериулерлей, кёгюбюзге
асылыучу,
Джер - Джюзюнде бютеу кирни джангурунг бла
джуудуруучу,
Гюнах аслам болгъан джерде ырхы суула
къобарыучу,
Айырмайын миллетлеге сен джашар онг
бериучюсе,
Къургъакъ къыса башлагъанлай, мычымайын
джетиучюсе,
Бирча сууну, «бирлешигиз!» - деб тёгесе
башыбыздан,
Кем этмейин онгубуздан, ишибизден,
ашыбыздан…
Хатеринги Адам улу ангылармы,
билелирми?..
Сени кибик, айырымсыз, джумлей джанны
сюелирми?..
Булутха. Стихи 70-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220111700837
Свидетельство о публикации №220111700837
Рецензии