Джарыкъ джашауну джырын джырлайыкъ, бюгюн джюрекле учуна,
Бу сейир джуртха махдау салайыкъ, къалмай джерине, сууна.
Ауругъанлагъа дарман болады, Махар ауушну суулары,
Да кюз артында ёкюредиле, ой, доммайлары, буулары.
Джёгетей башы, ой, Таллыкъ тюзю, кёл Джагъасында – къышлыкъла,
Къая ранлары, гыйы бузлары, чегет бауурда ышыкъла...
Ой, малларыбыз джайыладыла, кенг джайлыкъланы толтуруб,
Алчы къызла да ийнек сауалла, акъ къушла кибик, олтуруб.
Мелхум джашаугъа белги болалла гелеу кырдыклы джайлыкъла,
Хоншу эллени алгъа иймейди Уллу - Учкулан, балыкъда.
Джарыкъ джашауну джырын джырлайыкъ, бюгюн джюрекле учуна,
Бу сейир джуртха махдау салайыкъ, къалмай джерине, сууна.
1938дж.
Джарыкъ джыр. Стихи 30-годов 20 века
© Copyright: Исмаил Семенов-Джырчы Сымайыл, 2020
Свидетельство о публикации №220111800751
Свидетельство о публикации №220111800751
Рецензии