Хайда, джашла, ёрелегиз, бирден чалкъы чалайыкъ,
Бу кюнбетни джашил тюгюн, къалдырмайын алайыкъ.
Бусагъатда эринмесек, къачда, къышда солурбуз,
Джашил хансны бичен этсек, май борбайлы болурбуз.
Кенг джайлыкъны ханс ёзеги, къыш сют болуб къуюлур,
Джибек кибик, гелеу кырдык, согъум болуб союлур.
Тепси салыу, юй тюзетиу тиширыуну борчуду,
Бичен, аргъыш, мал джюрютюу эркишини борчуду.
Борчубузну толтурайыкъ, бу гелеуню чалайыкъ,
Аналаны алларына бет джарыкълы барайыкъ.
Хайда, джашла, ёрелегиз, бирден дюрю салайыкъ,
Бу кюнбетни джашил тюгюн, къалдырмайын алайыкъ.
1932дж.
Чалкъыны джыры. Стихи 30-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220111901054
Свидетельство о публикации №220111901054
Рецензии