Май айны джыры. стихи 30-х г. 20в

Бу джыр «Минги тау» деген  китабда, адам сейирсинир къадар тюрлениб, магъанасыз, болумсуз бир зат болуб турады да, Исмаил кеси джаздыргъан шекили бла береме. Ол экитомлукъ, Джырчы Сымайылны атын кёмер ючюн этилгенча алайды десем джангылыч боллукъ болмаз.  Сыйлы окъуучу аны да окъугъан болур, былайгъа джырны керти метинин (тестин) салама. Ол китабда джазылгъанны айыбы аны этгенледе къалсын, кертиси уа  – буду:


МАЙ АЙНЫ ДЖЫРЫ. Стихи 30-х г.20в.

Май айыбыз, май айыбыз, чегетлени уятхан,
Чакъ заманны джерге джайыб дунияны джашнатхан.

Май айыбыз,  май  айыбыз, джашил аба киеди,
Уруннганны, иш этгенни, баджаргъанны сюеди.

Май айыбыз, май айыбыз, онбир айдан  баш  болур,
Джер къарнында ёсдюргени азыкъ болур, аш болур.

Май айыбыз, май айыбыз, чыпчыкъ гюр бла келеди,
Джангуру бла  суу керекни сабанлагъа береди.

Май айыбыз, май айыбыз – джер джюзюню хурмети,
Аз болмасын, таркъаймасын джуртубузну келбети.

Май айыбыз, май айыбыз – уруннганны байрамы,
Къолдан тюшмей  алда турсун  халкъны къызыл байрагъы.