Сиз барасыз окъургъа,
Окъуу, билим алыргъа,
Къарангыны чачаргъа,
Билим эшик ачаргъа.
Сиз барасыз окъургъа,
Дерсге джити болургъа,
Кёб сейир зат кёрюрге,
Ангны, санны керирге.
Сиз барасыз окъургъа,
Джахилликни атаргъа,
Билим джолну тутаргъа,
Халкъны кёзюн ачаргъа.
Сиз барасыз окъургъа,
Джауну тин бла хорларгъа,
Илму джарыкъ ачаргъа,
Миллетине чачаргъа.
1930.
Школ сабийни джыры. стихи 30-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220112000980
Свидетельство о публикации №220112000980
Рецензии