Серго Орджоникидзени ёлгенине кюу

Шам - Къарачай  бюгюн бушуу этеди,
Сени ёлген хапарынга сагъайыб,
Мен да санга ма бу кюуню этеме,
Хатху толу бушуумдан тогъайыб.

Сен Лениннге джёнгер эдинг, тенг эдинг,
Тюзлюк ишде  артха салмай  кесинги,
Джашауунгу кърал ишине берген энг,
Аямайын билиминги, эсинги.

Джер тюбюнден темир ташны чыгъарыб,
Заводлада,  домналада  эритдинг,
Ата джуртну темир джолдан толтуруб,
Хар бир адам джюрюр кибик этдирдинг.

Сау дунияда ал орунну алырлай,
Совет джуртну иш болумун  кердирдинг,
Иш устала,  инженерле,  техникле,
Билим бериб,  устаз болуб  ёсдюрдюнг.

Сен кёз джумуб, арабыздан кетсенг да,
Ишинг джашар, кенг джайылыр, къурумаз,
Хар заводну, машинаны  ичинде,
Къурч джюрегинг тебиб турур, тохдамаз.

Тутхан ишинг,  муратларынг толурла,
Сыйлы атынг джюрекледе сакъланыр,
Ол сен сюйген даулетибиз  онг болуб,
Хар кюн сайын, алдан - алгъа атланыр.

Бюгюн санга бушуу этген Къарачай,
Бушуу кюуге,  Серго, сени  салгъанды,
Ёлюм сени арабыздан алса да,
Сыйлы  атынг  миллетингде  къалгъанды.