Сен джер тюрмеде окъудунг, Ленин,
Ташлагъа джазыб дерсинги,
Эресеяны тюзетген эдинг,
Кёб къынасанг да кесинги.
Сен джер тюрмеде окъудунг, Ленин,
Иш - хыйсаб этиб, чот этиб,
Залимлени уа къурутдунг, Ленин,
Басхан джерлерин от этиб.
Да закон - китаб ишлединг, Ленин,
Джан, сан солутмай, кюрешиб,
Эркинлик джашау табханбыз энди
Биз, уруннганла, бирлешиб.
Сени ёлюгюнг джатады, Ленин,
Мермер кешене ташында,
Ой, сенден онглу чыкъмагъан эди,
Сау дунияны башында.
Ленинни кюую. Песня-плач на смерть Ленина. 20-е г
© Copyright: Исмаил Семенов-Джырчы Сымайыл, 2020
Свидетельство о публикации №220112401296
Свидетельство о публикации №220112401296
Рецензии